III Mostra de Teatro Afeccionado de Ames

A mostra comezou onte ás 20:30 horas na Casa da Cultura do Milladoiro coa obra Traballo e Imaxinación que interpreta a Asociación Cultural Quemaisten Teatro, das Pontes. Xosé Bonome dirixe unha peza teatral composta por sete sketchs que ten como denominador común o traballo. Esta peza conta a historia duns traballadores que levan a súa profesión ao límite do absurdo. Finalmente, a falla de traballo é suplida polo humor e a imaxinación.

Traballo e imaxinación

Autor: José L. Prieto e Gustavo Pernas.
Director: Xosé Bonome

Reparto:
Anxeles Gabeiras
Olga Chamosa
Xosé Manuel Felpeto
Xosé Luis Fernández
Yolanda Lozano
Carmen Cabarcos
Xosé Fraga
Mª. Carmen Landazuri

O sábado ás 20:00 horas será a quenda para a Escola de Teatro Municipal de Valga, que interpretará a obra O testamento do Nacho na casa da Cultua de Bertamiráns. Trátase dunha comedia para todos os públicos O Testamento do Nacho é unha adaptación ao galego da obra de teatro El testament del Nasi, da escritora catalana Ángels Garriga.

A III Mostra de teatro afeccionado pecharase coa actuación dun grupo de Ames. O domingo ás 20:00 horas na Casa da Cultura do Milladoiro o Grupo Municipal do Milladoiro, interpretará unha comedia do absurdo para adultos titulada Cal é Valentín.